Advaes

◼ Ol buk we yumi seremaot long manis Ogis: !Yu Save Kam Fren Blong God! Sipos no, eniwan long ol buklet ya we oli gat 32 pej blong olgeta: ?God i Rili Kea Long Yumi?, “Look! I Am Making All Things New,” Should You Believe in the Trinity?, Taem Wan We Yu Laekem Hem Tumas i Ded, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life​—How Can You Find It? mo !Yu Yu Save Harem Gud Blong Olwe Long Wol!. Septemba: Revelesen​—Kolosap i Kasem Nambawan En Blong Hem! Oktoba: Ol Wajtaoa mo Wekap! Taem yumi faenem wan man we i intres, yumi mas soem buklet ya Wanem. Novemba: Man We i Hae moa Long Olgeta Man. Sipos no, yumi save soemaot buklet ya Wanem.

◼ Bambae i gat faef wiken long Oktoba, ale hemia wan gudfala janis blong mekem wok blong haftaem paenia.

◼ Yufala i mas kipim gud pej 5 mo 6 blong Kingdom Wok ya, blong yusum afta long seket asembli mo spesel dei asembli blong sevis yia 2006.

◼ Presiden elda no wan brata we hem i jusumaot, bambae i jekem ol kaon blong kongregesen long Septemba 1 no kwiktaem biaen. Sipos kongregesen i gat wan akaon long bang, maet blong pem ol samting blong riperem no bildim haos Kingdom, oli mas jekem akaon ya tu. Taem wok ya i finis, talemaot long kongregesen afta we yufala i ridimaot nekis ripot blong ol kaon.

◼ Yumi mas tingbaot se taem yumi raetem leta long wan man, yumi neva mas raetem adres blong branj ofis long bak blong envlop ya. Hemia ol leta we yumi raetem blong prij long ol man we oli intres, no blong sanem sam buk mo magasin long olgeta, ol leta we yumi sanem long olgeta we yumi no faenem olgeta long haos taem yumi prij, mo olgeta we oli laef long ol ples we i no isi blong yumi kasem. Maet pablisa i save yusum prapa adres blong hem, from we wok ya we hem i mekem blong prij, hem i haf blong prapa wok we hem i mekem i go blong God. (Mat. 28:​19, 20; Rom 10:​14, 15) Be sipos hem i harem se i no waes blong yusum prapa adres blong hem, hem i save raetem nem blong hem mo adres blong Haos Kingdom long bak blong envlop.​—Lukluk Ansa Long Wan Kwestin, long Kingdom Wok Blong Yumi blong Mei 2002.

◼ Long Ogis 31, 2005 no kwiktaem biaen, ol kongregesen oli mas kaontem ol buk mo magasin we oli stap, olsem oli mekem evri yia. Wok ya i klosap sem mak long wok blong kaontem ol buk we brata blong lukaot long ol buk i mekem evri manis. Hem i mas raetem fulnamba blong ol buk long Pepa Blong Kaontem Ol Buk (S-18). Brata we i lukaot long ol magasin i save talem fulnamba blong ol magasin we oli stap. Sekretari blong kongregesen i mas lukaot long wok ya. Hem wetem presiden elda bambae tufala i saenem pepa ya. Wanwan kongregesen bambae oli kasem tri Pepa Blong Kaontem Ol Buk (S-18). Plis sanem faswan pepa i go long branj ofis bifo Septemba 6. Namba tu i save go long fael blong kongregesen. Namba tri pepa yufala i save yusum blong raetem sam samting long hem taem yufala i stap kaontem ol buk.

◼ Long nekis oda blong ol buk, kongregesen i save oda long 2006 Calendar of Jehovah’s Witnesses, Ridimgud Ol Tok Blong Baebol Evri Dei​—2006, mo 2006 Yearbook of Jehovah’s Witnesses. Long “Mesej Long Olgeta Kongregesen” we Sosaeti i sanem evri manis, bambae yufala i kasem wan lis blong olgeta lanwis we yufala i save oda long hem.