Advaes

◼ Buk we yumi seremaot long manis Septemba: Revelesen​—Kolosap i Kasem Nambawan En Blong Hem! Oktoba: Wajtaoa mo Wekap! Sipos man i intres, soemaot buklet Wanem. Novemba: Man We i Hae Moa Long Olgeta Man. Sipos no, buklet Wanem. Disemba: Man We i Hae Moa Long Olgeta Man. Sipos no, soemaot Buk Blong Ol Baebol Stori.

◼ Branj ofis i no stap fulumap ol oda blong buk blong ol wanwan pablisa. Presiden elda i mas meksua se oli talemaot long kongregesen evri manis wetaem bambae oli sanem oda blong buk blong kongregesen i go long branj ofis. Olsem nao, olgeta we oli wantem kasem wan buk blong olgeta nomo, oli save putum oda wetem brata we i lukaot long ol buk. Plis, no fogetem weswan buk we oli spesel oda.

◼ Ol elda oli mas tingbaot blong folem ol advaes long pej 21-23 blong Wajtaoa Eprel 15, 1991 (Franis mo Inglis), long saed blong wok blong visitim olgeta we kongregesen i putumaot olgeta, mo olgeta we oli bin talem se oli no moa wantem stap long kongregesen be maet naoia oli wantem joen bakegen long kongregesen.

◼ Spesel pablik tok we i joen wetem Memoriol blong 2006 bambae i stap long Sande, Eprel 30. Stamba tok blong spesel pablik tok ya bambae mifala i talemaot biaen. Ol kongregesen we oli gat visit blong seket elda no wan asembli long wiken ya, oli save mekem spesel tok ya long wik we i kam biaen. Ol kongregesen ol no mas mekem spesel tok ya bifo long Sande, Eprel 30, 2006.

◼ I gud blong mekem wok blong paenia long manis Oktoba, from i gat faef wiken long hem.

◼ Long nekis oda blong ol buk, ol kongregesen oli save oda long ol baon volium blong Wajtaoa mo Wekap! blong yia 2005, mo Watchtower Library​—2005 Edition long CD-ROM. Long pepa ya “Advaes i Go Long Ol Kongregesen” we i kamaot evri manis, bambae i gat wan lis blong ol lanwis we ol buk ya oli kamaot long hem. Plis, makem se Watchtower Library​—2005 Edition i blong olgeta nomo we oli baptaes finis, mo oli save kasem tru long kongregesen nomo.

◼ Long seves yia 2006, olgeta we oli mekem haftaem paenia long manis we seket elda i visitim kongregesen blong olgeta, bambae oli save joen long faswan haf blong paenia miting long spesel wik ya. Mifala i leftemap tingting blong olgeta we oli save mekem wok ya, blong oli haremgud long spesel plan ya.