Advaes

◼ Buk we yumi seremaot long manis Disemba: Man We i Hae Moa Long Olgeta Man. Yumi save seremaot Buk Blong Ol Baebol Stori tu. Jenuware: Buk Blong Ol Baebol Stori. Sipos no, Man We i Hae Moa Long Olgeta Man. Februari: Revelesen​—Kolosap i Kasem Nambawan En Blong Hem! Sipos no, Save Blong Lidim Yu Long Laef We i No Save Finis. Maj: Seremaot niufala buk ya, ?Wanem Samting We Baebol i Rili Tijim? Traehad blong statem ol Baebol stadi.

◼ Ol kongregesen oli mas mekem sam spesel haf long Miting Blong Kingdom Wok smoltaem bifo mo smoltaem afta long spesel dei asembi. Presiden elda i save lukluk bakegen long pej 4 blong Kingdom Wok Blong Yumi blong Ogis 2004. Talem rere long kongregesen blong oli karem Kingdom Wok Blong Yumi blong Ogis 2005 wetem olgeta taem oli kam long ol miting ya.

◼ Klosap nao bambae mifala i sanem ol pepa blong singaot ol man oli kam long Memoriol blong yia 2006. Bambae mifala i sanem olgeta long Bislama nomo, be sipos yufala i wantem pepa ya long ol narafala lanwis tu, yufala i mas oda kwiktaem long Oda Blong Ol Buk (S-14). Wan lis blong olgeta lanwis we pepa blong Memoriol i stap long hem, bambae i stap long “Mesej We i Go Long Olgeta Kongregesen,” we mifala i stap sanemaot evri manis. Plis oda long ol lanwis ya nomo we yufala i nidim long ples blong yufala.

◼ Memoriol i impoten tumas, taswe ol elda oli mas jusum wan long olgeta we i nafgud blong mekem tok ya, i bitim we wanwan long olgeta i tekem taem blong olgeta no oli jusum sem brata oltaem. Sipos i gat wan elda we tabu spirit i makemaot hem mo hem i naf blong mekem tok ya, oli mas jusum hem.