Advaes

◼ Buk we yumi seremaot long manis Jenuware: Buk Blong Ol Baebol Stori. Sipos no, Man We i Hae Moa Long Olgeta Man. Februari: Revelesen​—Kolosap i Kasem Nambawan En Blong Hem! Sipos no, buk ya Save Blong Lidim Yu Long Laef We i No Save Finis. Maj: Seremaot niufala buk ya ?Wanem Samting We Baebol i Rili Tijim? Traehad blong statem ol Baebol stadi. Eprel: Wajtaoa mo Wekap! Taem yumi visitim bakegen ol man we oli intres, wetem olgeta ya tu we oli stap kam long ol Memoriol mo long ol narafala spesel miting be oli no joen oltaem wetem kongregesen, yumi mas traehad blong givimaot niufala buk ya, ?Wanem Samting We Baebol i Rili Tijim? long olgeta. Mak blong yumi i blong yusum niufala buk ya blong statem Baebol stadi wetem olgeta.

◼ I gud blong mekem wok blong haftaem paenia long manis Eprel, from we i gat faef wiken long hem.

◼ Bifo long Maj 6, ating long manis Februari finis, ol seket elda bambae oli stat givim niufala pablik tok ya, “!Yu Save Gat Pis Long Laef Blong Yu Naoia​—Mo Blong Olwe!”

◼ Memoriol long yia ya, hemia long Wenesde, Eprel 12, afta we san i godaon. Ol kongregesen oli mas mekem ol stret plan from. Tok i save stat bifo we san i godaon, be yumi mas pasem bred mo waen afta we san i godaon. Faenemaot stret taem we san bambae i godaon long ples blong yufala. I moagud sipos ol wanwan kongregesen oli gat prapa Memoriol blong olgeta, be maet long sam ples i no gat rod blong mekem olsem. Sipos plante kongregesen oli yusum semfala Haos Kingdom, maet sam long ol kongregesen ya oli save faenem wan narafala ples blong mekem Memoriol. Taem tu kongregesen oli mekem Memoriol long semfala Haos Kingdom, i moagud se i gat 40 minit bitwin long tufala Memoriol ya, blong givim taem long evriwan blong oli storiangud mo haremgud tugeta. Yumi mas tingbaot tu, ol trak we bambae oli kam, mo ples blong putum ol trak, mo olsem wanem blong lego mo pikimap ol pasenja. Ol elda oli mas tekem desisen se wanem plan nao i moagud blong folem long ples blong yufala.

◼ Sipos samfala oli plan blong mekem trip i go long narafala kantri, mo oli wantem joen long ol miting blong kongregesen, asembli, no distrik asembli long kantri ya, oli mas askem long branj ofis we i lukaot long kantri ya wanem nao stret dei, taem, mo ples blong ol miting ya. Ol adres blong ol branj ofis i stap long laswan pej blong Yearbook.