Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Eprel 24, 2006. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Maj 6 kasem Eprel 24, 2006. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Taem yumi tij, from wanem yumi mas spel smol bifo we yumi go long narafala poen, mo wanem i save mekem se yumi no spel? [be pej 98 haf 2-3]
2. ?From wanem i impoten blong spel smol, taem yumi stap toktok long ol narafala long wok blong prij? [be pej 99 haf 5–pej 100 haf 4]
3. ?Taem yumi mekem wan tok, from wanem i impoten blong makem ol impoten poen, mo olsem wanem yumi save gat gudhan blong makem ol impoten poen? [be pej 101 haf 1-5, bokis]
4. ?Taem yumi rid long fored blong ol narafala, olsem wanem yumi save sua se yumi makem strong ol impoten poen? [be pej 105 haf 1-6]
5. ?From wanem voes blong yumi i mas strong i naf taem yumi tij, mo olsem wanem blong save sipos voes i strong naf? [be pej 107-108]
TOK N. 1
6. ?Olsem wanem laef blong ol Kristin tede i sem mak long laef blong Esta mo Modekae, mo olsem wanem yumi save folem eksampol blong tufala? [si pej 94 haf 17]
7. ?Solomon i stap tokbaot wanem, taem hem i talem se ‘ol samting we hem i stap hadwok tumas from oli blong nating nomo, mo i olsem we hem i stap resis olbaot nomo’? (Prija 2:11) [w04 10/15 pej 4 haf 3-4]
8. ?Olsem wanem yumi save lanem blong lavem God? (Mak 12:30) [w04 3/1 pej 19-21]
9. ?Olsem wanem fasin blong lavem ol samting long saed blong spirit i defren long fasin blong ronem ol sas samting? [w04 10/15 pej 5-7]
10. ?Wanem i save givhan long yumi blong lesingud long ol asembli? [be pej 15-16]
BAEBOL RIDING BLONG WIK
11. ?From wanem oli kavremap fes blong Haman? (Esta 7:8)
12. ?Wanem kaen spirit ya we i gat paoa long tingting blong Elifas? (Job 4:15, 16, NW) [w05 9/15 pej 26 haf 2]
13. ?Tok we Job i talem long Job 7:9, 10 mo Job 10:21 i soemaot se hem i no bilif long laef bakegen?
14. ?Job i minim wanem taem hem i talem tok ya se: “Mi mi stap laef from skin blong tut blong mi nomo”? (Job 19:20, NW)
15. ?Job i minim wanem taem hem i talem se: “Oltaem bambae mi mi strong blong talem se mi mi no mekem wan samting nogud,” mo wanem samting yumi save lanem from? (Job 27:5)