Advaes

◼ Buk we yumi seremaot long manis Julae Mo Ogis: !Yu Save Kam Fren Blong God! Sipos no, yu save yusum eniwan long ol buklet ya we oli gat 32 pej blong olgeta: ?God i Rili Kea Long Yumi?, !Yu Yu Save Harem Gud Blong Olwe Long Wol!, “Look! I Am Making All Things New,” Should You Believe in the Trinity?, Spirit Blong Ol Dedman​—?Oli Save Halpem Yu No Spolem Yu? ?Oli Rili Stap?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life​—How Can You Find It? mo Taem Wan We Yu Laekem Hem Tumas i Ded. Septemba: Bambae yumi yusum buk ya Baebol Tijim. Yumi mas mekem wan spesel traehad blong statem Baebol stadi long faswan taem we yumi prij long man. Afta we yumi seremaot wan buk, yumi mas gobak blong luk man ya mo traem statem Baebol stadi wetem hem. Oktoba: Wajtaoa mo Wekap! Sipos man i intres, soemaot buklet ya Wanem blong mekem se intres blong hem long saed blong Baebol i gru moa.

◼ Stat long Septemba, seket elda bambae i givim pablik tok we nem blong hem “?Yu Yu Gat Gudnem Long Fored Blong God?”

◼ Branj ofis i mas kasem ol pepa we ol pablisa oli fulumap blong kam fultaem paenia, bitim 30 dei bifo long dei we oli jusum blong statem wok ya. Sekretari blong kongregesen i mas jekemgud ol pepa ya blong meksua se oli fulumap gud. Sipos ol pablisa oli no moa tingbaot stret dei we oli baptaes long hem, oli save putum dei we oli ting se i stret mo raetemdaon samples blong oli no fogetem. Sekretari i mas raetemdaon dei ya long Kad Blong Pablisa (S-21).

◼ Sekretari blong kongregesen i mas meksua se i gat leta blong wanwan fultaem paenia long kongregesen, hemia leta we Sosaeti i raetem blong talem se oli kam paenia (S-21). Sipos oli no gat naf long ol leta ya, oli mas raet long branj ofis blong talemaot.

◼ Long Ogis 31, 2006 no kwiktaem biaen, ol kongregesen oli mas kaontem ol buk mo magasin we oli stap, olsem oli mekem evri yia. Wok ya i klosap sem mak long wok blong kaontem ol buk we brata blong lukaot long ol buk i mekem evri manis. Oli mas raetem fulnamba blong ol buk long Pepa Blong Kaontem Ol Buk (S-18). Brata we i lukaot long ol magasin, hem i save talem fulnamba blong ol magasin we oli stap. Sekretari blong kongregesen i mas lukaot long wok ya. Hem wetem presiden elda bambae tufala i saenem pepa ya. Wanwan kongregesen bambae oli kasem tri Pepa Blong Kaontem Ol Buk. Plis sanem faswan pepa i go long branj ofis bifo Septemba 6. Namba tu pepa i save go long fael blong kongregesen. Namba tri pepa yufala i save yusum blong raetem sam samting long hem taem yufala i stap kaontem ol buk.