Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Ogis 28, 2006. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Julae 3 kasem Ogis 28, 2006. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem fasin blong lukluk fes blong ol man i save givhan long yumi blong tij gud? (Mat. 19:25, 26; Wok 14:9, 10) [be pej 124 haf 3–pej 125 haf 3]
2. ?From wanem i impoten blong toktok isi, mo wanem i save givhan long yumi blong soemaot fasin ya taem yumi prij? [be pej 128 haf 1-5, bokis]
3. ?From wanem hea mo klos blong yumi i mas klin? [be pej 131 haf 1-3]
4. ?Olsem wanem fasin blong no wantem ‘pulum ae blong man mo no flas’ i mas gat paoa long klos mo hea blong yumi? (1 Tim. 2:9) [be pej 131 haf 4–pej 132 haf 1]
5. ?Wanem ol rul blong Baebol we yumi mas folem blong hea mo klos blong yumi i no soemaot se yumi laekem wol? [be pej 133 haf 2-3]
TOK N. 1
6. ?Wanem bigfala blesing we i kamaot from fasin blong rid? [be pej 21 haf 3]
7. ?Olsem wanem blong luksave wan man we i waes mo wan man we i no gat hed? (Prov. 14:2) [w04 11/15 pej 26 haf 5]
8. ?From wanem ‘i isi blong ol man we oli gat gudhed oli kasem save’? (Prov. 14:6) [w04 11/15 pej 28 haf 4-5]
9. ?Wanem ya stadi? [be pej 27 haf 3]
10. ?Taem yumi tingting dip long ol samting we Jeova i wokem, samting ya i mas mekem wanem long yumi? [w04 11/15 pej 8 haf 4]
BAEBOL RIDING BLONG WIK
11. ?Long taem bifo, olsem wanem Jeova i “givim tok” we i mekem se i gat wan bigfala ami blong ol “woman oli kam talemaot gud nius,” mo olsem wanem tok ya i stret long taem blong yumi? (Sam 68:11)
12. ?Wanem samting i mekem se klosap Asaf i stop blong mekem samting we i stret, mo olsem wanem hem i stretem tingting blong hem bakegen? (Sam 73:2, 3, 17)
13. ?From wanem Baebol i kolem mana ya we God i givim long ol man Isrel se “sid blong heven” mo “bred blong ol strong man”? (Sam 78:24, 25, NW)
14. ?Wanem ya “ples haed blong Hae God,” mo olsem wanem yumi save ‘stap long ples ya’? (Sam 91:1, 2, NW)
15. ?Long wanem rod ded blong olgeta we oli fasgud long Jeova i sas long ae blong Hem? (Sam 116:15, NW)