Advaes

◼ Buk we yumi seremaot long manis Jenuware: Save Blong Lidim Yu Long Laef We i No Save Finis. Sipos no, buklet ya Keep on the Watch! Februari: Draw Close to Jehovah. Sipos no, Revelesen​—Kolosap i Kasem Nambawan En Blong Hem! Maj: ?Wanem Samting We Baebol i Rili Tijim? Mekem wan spesel traehad blong statem Baebol stadi. Eprel: Wajtaoa mo Wekap! Taem yumi gobak luk ol man we oli intres, wetem olgeta ya tu we oli stap kam long ol Memoriol mo long ol narafala spesel miting be oli no joen oltaem wetem kongregesen, yumi mas traehad blong yusum buk ya Baebol Tijim, blong statem Baebol stadi long olgeta.

◼ Bifo long Maj 4, ating long manis Februari finis, ol seket elda bambae oli stat blong givim niufala pablik tok ya, “Niufala Wol​—?Hu i Naf Blong Go Insaed Long Hem?”

◼ Long Epril, bambae yumi tokbaot vidio kaset ya, Young People Ask​—What Will I Do With My Life? long Miting Blong Kingdom Wok. Sipos yufala i nidim kaset ya, askem kwiktaem long ol brata we oli lukaot long ol buk long kongregesen.

◼ Ol buk blong yumi we oli printim long lanwis blong Jaenis i stap long tu kaen raeting. Plante taem ol man long Hong Kong mo Taewan oli ridim olfala raeting, we yumi kolem se “Chinese” (CH) (Jaenis). Bighaf blong ol narafala man long Jaena oli ridim raeting ya we oli jenisim sam samting long hem blong mekem se i moa isi blong ridim, mo we yumi kolem se “Simplified Chinese” (CHS) (Jaenis We i Isi). Man we i ridim wan long tufala raeting ya i no soemaot sipos hem i toktok lanwis Cantonis, Mandarin, no wan narafala lanwis blong Jaena. Taswe, i impoten blong save wanem raeting we man ya i laekem moa blong ridim. Long pej 19 mo 20 blong buklet ya, Good News for People of All Nations, yu save luk tufala raeting ya. Long rod ya, yu save askem ol buk long stret raeting we man i wantem.

◼ Memoriol long yia ya, hemia Mande, Epril 2, afta we san i godaon. Ol kongregesen oli mas mekem ol stret plan from. Tok i save stat bifo we san i godaon, be yumi mas pasem bred mo waen afta we san i godaon. Faenemaot stret taem we san i godaon long ples blong yufala. I moagud sipos ol wanwan kongregesen oli gat prapa Memoriol blong olgeta, be maet long sam ples i no gat rod blong mekem olsem. Sipos plante kongregesen oli yusum semfala Haos Kingdom, maet sam long ol kongregesen ya oli save faenem wan narafala ples blong mekem Memoriol. Taem tu kongregesen oli mekem Memoriol long semfala kongregesen, i moagud se i gat 40 minit bitwin long tufala Memoriol ya, blong givim taem long evriwan blong oli storiangud mo haremgud tugeta. Yumi mas tingbaot tu, ol trak we bambae oli kam, mo ples blong putum ol trak, mo olsem wanem blong lego mo pikimap ol pasenja. Ol elda oli mas tekem desisen se wanem plan nao i moagud blong folem long ples blong yufala.

◼ Sekretari blong kongregesen i mas meksua se i gat leta blong wanwan fultaem paenia long kongregesen blong olgeta, we Sosaeti i raetem blong talem se oli kam paenia (S-202). Sipos oli no gat ol leta ya, plis raetem leta i go long branj ofis blong talemaot.