Advaes

◼ Buk we yumi seremaot long manis Februari: Draw Close To Jehovah no buk ya Revelesen–Kolosap i Kasem Nambawan En Blong Hem! Maj: ?Wanem Samting We Baebol i Rili Tijim? Mekem wan spesel traehad blong statem Baebol stadi. Epril Mo Mei: Wajtaoa mo Wekap! Taem yumi gobak luk ol man we oli intres, wetem olgeta ya tu we oli stap kam long ol Memoriol mo long ol narafala spesel miting be oli no joen oltaem wetem kongregesen, yumi mas traehad blong statem Baebol stadi long olgeta wetem buk ya, Baebol Tijim.

◼ Sekretari mo elda we i lukaot long wok blong prij, tufala i mas lukluk long wok blong ol fultaem paenia. Sipos samfala oli stap faenem i had blong kasem ol aoa blong olgeta, tufala elda ya i mas mekem plan blong givhan long olgeta. Blong kasem advaes long saed ya, ridim bakegen leta S-201 we Sosaeti i sanemaot evri yia.

◼ Spesel pablik tok we i joen wetem Memoriol blong 2007 bambae i stap long Sande, Epril 15, 2007. Nem blong spesel pablik tok ya se “!Yu Save Harem Se Yu Sef Long Wol Ya We i Trabol!” Ol kongregesen we oli gat visit blong seket elda no wan asembli long wiken ya, oli save mekem spesel tok ya long wik we i kam biaen. Ol kongregesen oli no mas mekem spesel tok ya bifo long Sande, Epril 15, 2007.