Advaes

◼ Buk we yumi seremaot long manis Maj: ?Wanem Samting We Baebol i Rili Tijim? Mekem spesel traehad blong statem ol Baebol stadi. Eprel Mo Mei: Wajtaoa mo Wekap! magasin. Taem yumi gobak blong luk ol man we oli intres, wetem olgeta ya tu we oli stap kam long Memoriol mo long ol narafala spesel miting be oli no joen oltaem long kongregesen, yumi mas traehad blong statem Baebol stadi long olgeta wetem buk ya Baebol Tijim. Jun: Spesel Rod Blong Mekem Famle i Hapi.

◼ Kongregesen i mas givimaot kwiktaem ol niufala Wajtaoa mo Wekap! Long rod ya, ol pablisa bambae oli gat taem blong ridim ol magasin ya bifo we oli seremaot long wok blong prij.

◼ Presiden elda no wan brata we hem i jusumaot, bambae i jekem ol kaon blong kongregesen long manis Disemba, Jenuware, Februari. Taem wok ya i finis, talemaot long kongregesen afta we yufala i ridimaot nekis ripot blong ol kaon.—Lukluk Rod Blong Mekem Ol Kaon Blong Kongregesen (S-27).