Advaes

◼ Buk we yumi seremaot long manis Mei: Wajtaoa mo Wekap! magasin. Taem yumi gobak luk olgeta we oli intres, wetem olgeta ya tu we oli stap kam long ol Memoriol mo long ol narafala spesel miting be oli no joen oltaem wetem kongregesen, yumi mas traehad blong yusum buk ya Baebol Tijim, blong statem Baebol stadi long olgeta. Jun: Spesel Rod Blong Mekem Famle i Hapi. Julae Mo Ogis: !Yu Save Kam Fren Blong God! Sipos no, yu save yusum eniwan long ol buklet ya we oli gat 32 pej blong olgeta: ?God i Rili Kea Long Yumi?, !Yu Yu Save Haremgud Blong Olwe Long Wol!, “Look! I Am Making All Things New,” Should You Believe in the Trinity?, Spirit Blong Ol Dedman—?Oli Save Halpem Yu No Spolem Yu?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life—How Can You Find It? mo Taem Wan We Yu Laekem Hem Tumas i Ded.

◼ Ol elda oli mas tokbaot leta blong Julae 6, 2006 we branj ofis i sanem, long saed blong ol samting we oli mas rere long hem from ol disasta mo blong meksua se oli gat laswan adres mo telefon namba blong ol wanwan pablisa. Long ol ples we disasta i stap kasem oltaem, ol elda oli mas save ol narafala adres mo telefon namba blong ol ples we ol pablisa oli ronwe i go long hem long taem blong disasta. I no long taem blong disasta nomo we i gud blong mekem olsem. Sipos ol pablisa oli wantem stap longtaem lelebet long wan narafala ples, maet blong wok no blong spel, no blong go slip long hospital no narafala samting olsem, i gud we oli talemaot long elda we i lukaot long Buk Stadi blong olgeta, no long wan narafala elda.