Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Ogis 27, 2007. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Julae 2 kasem Ogis 27, 2007.
FASIN BLONG TOKTOK
1. ?Olsem wanem yumi save soem respek long ol narafala taem yumi prij mo long kongregesen? [be pej 192 haf 2-4]
2. ?I impoten tumas we yumi mekem wanem sipos yumi wantem soemaot bilif long ol toktok blong yumi? [be pej 196 haf 1-3]
3. ?Wanem sam advaes we oli save givhan long yumi taem yumi prij, blong yumi toktok long fasin we i kaen?[be pej 198 haf 1-5]
4. ?Sipos yumi talem ol stret tok long stret taem, olsem wanem samting ya i soem se yumi toktok long fasin we i kaen? (Prov. 25:11) [be pej 199 haf 1-3]
5. ?Olsem wanem yumi save mekem se ol tok blong yumi long kongregesen oli leftemap tingting blong ol narafala? [be pej 203 haf 3 pej 204 haf 1]
TOK N. 1
6. ?Olsem wanem? ?Esikel i rili raetem buk ya we i karem nem blong hem, hem i rili wan buk blong Baebol, mo hem i tru? [si pej 133 haf 3]
7. ?Wanem gudfala fasin we wan man i nidim blong hem i save stanap strong taem ol man oli mekem i no stret long hem? [w05 6/1 pej 29 haf 4]
8. ?Yumi lanem wanem long ansa we Jisas i talem long ol Sadusi taem oli askem kwestin long saed blong laef bakegen? (Luk 20:37, 38) [be pej 66 haf 4]
9. ?Sipos wan Baebol studen no wan Kristin i mas tekem wan desisen nao hem i askem long yu se hem i mas mekem wanem, bambae yu talem wanem? [be pej 69 haf 4-5]
10. ?Olsem wanem yumi save mekem ‘laef mo tingting blong yumi i kam niuwan olgeta’? (Efes. 4:23) [be pej 74 haf 4]
BAEBOL RIDING BLONG WIK
11. ?Long Esikel 9:2-4, man we i werem gudfala klos we oli wokem long linen hem i pija blong hu? ?Mo wanem mining blong “mak long fored” blong man? [w88 9/15 pej 14 haf 18 (Franis/Inglis)]
12. ?Olsem wanem ol lida blong Krisendom oli olsem ol profet we oli ‘no gat hed nating mo oli stap talemaot ol tingting blong olgeta nomo,’ olsem Esikel 13:3 i tokbaot? [w99 10/1 pej 13]
13. ?Taem ol man Isrel oli ‘taltalem ol tok olbaot’ olsem yumi ridim long Esikel 18:2, oli stap traem blong mekem wanem? ? Mo wanem impoten save we yumi kasem long vas ya long saed blong fasin ya blong talemaot long God ol samting we yumi mekem? [w88 9/15 pej 18 haf 10 (Franis/Inglis)]
14. Taem ol ami oli hivap raon long Jerusalem mo oli spolemgud taon ya, Baebol i talem se Esikel i “no save toktok,” no ‘tang blong hem i fas.’ ?Hemia i minim wanem? [w03 12/1 pej 29]
15. ?Hu ya “Gog, blong kantri blong Magog,” mo wetaem bambae hem i tekem aksen blong traem spolem ol man blong Jeova? (Esik. 38:2, 16, NW) [w97 3/1 pej 14 haf 1–pej 15 haf 3]