Advaes

◼ Buk we bambae yumi seremaot long manis Jenuware: Save buk sipos no buklet Wanem. Februari: Spesel Rod Blong Mekem Famle i Hapi sipos no Revelesen Kolosap I Kasem Nambawan En Blong Hem! Maj: ?Wanem Samting We Baebol i Rili Tijim? Mo traehad blong statem Baebol stadi. Eprel: Wajtaoa mo Wekap! Yumi mas mekem wan spesel traehad blong visitim ol niuwan we oli bin kam long Memoriol mo long spesel pablik tok, be oli no joen oltaem wetem kongregesen. Yumi mekem olsem blong statem ol Baebol stadi wetem olgeta we maet oli no bin akseptem yet blong stadi.

◼ I gud blong mekem wok blong haftaem paenia long manis Maj, from we i gat faef wiken long hem.

◼ Bifo long Maj 2, ating long manis Februari, ol seket elda bambae oli stat givim niufala pablik tok ya, “?Weples Nao Yumi Save Faenem Help Long Taem Blong Trabol?”

◼ Memoriol long yia ya, hemia long Sarede Maj 22, afta we san i godaon. Ol kongregesen oli mas mekem ol stret plan from. Tok i save stat bifo we san i godaon, be yumi mas pasem bred mo waen afta we san i godaon. Faenemaot stret taem we san bambae i godaon long ples blong yufala. I moagud sipos ol wanwan kongregesen oli gat prapa Memoriol blong olgeta. Be, maet long sam ples i no gat rod blong mekem olsem. Sipos plante kongregesen oli yusum semfala Haos Kingdom, maet sam long ol kongregesen ya oli save faenem wan narafala ples blong mekem Memoriol long hem. Taem tu kongregesen i mekem Memoriol long semfala Haos Kingdom, i moagud se i gat 40 minit bitwin long tufala Memoriol ya, blong givim taem long evriwan blong oli storiangud mo haremgud tugeta. Yumi mas tingbaot tu, ol trak we bambae oli kam, mo ples blong putum ol trak, mo olsem wanem blong lego mo pikimap ol pasenja. Ol elda oli mas tekem desisen se wanem plan nao i moagud blong folem long ples blong yufala.

◼ Sekretari blong kongregesen i mas meksua se i gat leta blong wanwan fultaem paenia long kongregesen blong olgeta, we Sosaeti i raetem blong talem se oli kam paenia (S-202). Sipos oli no gat ol leta ya, plis raetem leta i go long branj ofis blong talemaot.