Advaes

◼ Buk we yumi seremaot long Disemba: Man We i Hae Moa Long Olgeta Man. Sipos no Revelesen—Klosap i Kasem Nambawan En Blong Hem! Jenuware: Save Blong Lidim Yu Long Laef We i No Save Finis. Sipos no, ?Wanem Samting We Baebol i Rili Tijim? Mekem spesel traehad blong statem wan Baebol stadi Februari: Spesel Rod Blong Mekem Famle i Hapi. Sipos no, Buk Blong Ol Baebol Stori. Maj: ?Wanem Samting We Baebol i Rili Tijim? Mekem spesel traehad blong statem wan Baebol stadi

◼ Long Miting Blong Kingdom Wok long Maj bambae yumi tokbaot DVD ya, The Bible A Book Of Fact And Prophecy, Namba 2: “Mankind’s Oldest Modern Book”. Sipos yu nidim blong odarem DVD ya, i gud blong mekem oda long kongregesen kwiktaem.

◼ Presiden elda no wan brata we hem i jusumaot, bambae i jekem ol kaon blong kongregesen blong manis Septemba, Oktoba mo Novemba. Presiden elda i no mas jusum sem brata oltaem blong jekem ol kaon. Taem wok ya i finis, talemaot long kongregesen afta we yufala i ridimaot nekis ripot blong ol kaon.—Lukluk Rod Blong Mekem Ol Kaon Blong Kongregesen (S-27)

◼ Ol Intenasnal Asembli: Ol asembli ya oli stap long sam kantri mo taon nomo. Olgeta nomo we oli invaetem olgeta oli save go long ol asembli ya. Taem yumi wokgud tugeta long saed ya, bambae yumi no mekem i hevi long ol narafala.—1 Kor. 14:40; Hib. 13:17.

◼ Distrik Asembli Blong Ol Witnes Blong Jeova Long 2009: Yumi evriwan i stap wet long ol distrik asembli blong 2009 mo ol niufala janis blong leftemap Jeova wetem ol fren blong yumi we oli “luksave se oli nidim ol samting long saed blong spirit.” (Mat. 5:3, NW) Dei blong Jeova i kam klosap tumas. From samting ya, mifala i talem strong long wanwan long yufala blong stap long ol trifala dei ya blong asembli blong haremgud long gudfala kampani blong ol brata sista mo ol gudfala tok blong leftemap tingting blong yumi blong stap strong long bilif. (Sef. 1:14) Olgeta we oli skul oli mas letem tija blong olgeta i save se asembli ya i wan haf blong wosip blong olgeta. Hemia i sem mak long olgeta we oli wok. Oli mas letem ol bos blong olgeta oli save samting ya tu. Wetem strong tingting, naoia lukaotem ol blesing blong Jeova; kasem gudfala samting from fasin blong trastem hem.—Aes. 50:10.

Hemia ol dei blong ol defren asembli we bambae oli stap long teritori blong yumi:

Niukaledoni: long 4 kasem 6 Septemba, long 11 kasem 13 Septemba, mo long 18 kasem 20 Septemba 2009. Bambae i gat wan asembli tu long Walis lanwis long 26 mo 27 Septemba. Ol asembli ya bambae oli stap long Haos asembli long Normandie. Ol asembli long Franis lanwis bambae oli stat long 9.20 long moning mo oli finis long 4.55 long aftenun long fraede mo sarede mo long sande bambae program i stat long 9.20 long moning mo i finis long 4 klok long aftenun. Bambae mifala i talemaot yet taem blong program blong asembli long Walis lanwis.

Walis mo Futuna: Long 3 mo 4 Oktoba 2009 long Haos Kingdom blong Walis. Bambae mifala i talemaot yet taem we asembli ya i stat mo i finis long hem.

Vanuatu: Long 9 kasem 11 Oktoba long Port Vila mo long 16 kasem 18 Oktoba 2009 long Luganville. Program blong fraede mo sarede bambae i stat long 9.20 long moning mo i finis long 4.55 long aftenun. Long sande, program bambae i stat long 9.20 long moning mo i finis long 4 klok long aftenun. Bambae mifala i talemaot yet ples we ol asembli ya bambae oli stap long hem.