Advaes

◼ Ol buk we yumi seremaot long Maj: ?Wanem Samting We Baebol i Rili Tijim? Mekem spesel traehad blong statem wan Baebol stadi. Eprel Mo Mei: Wajtaoa mo Wekap!. Taem yu visitim olgeta we oli intres mo we oli bin kam long Memoriol mo ol narafala spesel miting, be oli no joen oltaem long kongregesen, tingbaot blong givim niufala buk ya, ?Wanem Samting We Baebol i Rili Tijim? Mak blong yumi i blong statem wan Baebol stadi wetem olgeta long buk ya. Jun: Save buk. Ol kongregesen we oli no moa gat buk ya long stok blong olgeta, oli save givimaot Baebol Tijim buk no buklet ya !Lukaot Gud!

◼ Stret afta we Kongregesen i kasem ol niufala kopi blong ol Wajtaoa mo Wekap!, ol brata oli mas givimaot olgeta long ol pablisa. Olsem nao, ol pablisa oli save ridim mo savegud ol haf we i stap long ol magasin ya, bifo we oli save go seremaot long wok blong prij.