Advaes

◼ Buk we yumi seremaot long manis Jun: Save buk. Ol kongregesen we oli no gat buk ya oli save serem buk ya Baebol i Tijim. Julae Mo Ogis: Ol buklet ya !Yu Yu Save Harem Gud Blong Olwe Long Wol! mo ?Wanem Samting We God i Wantem Yumi Blong Mekem? Septemba: ?Wanem Bambae i Hapen Long Yumi Taem Yumi Ded? mo ?Wanem Samting We Baebol i Rili Tijim? Taem yumi gat janis, i gud yumi traem statem Baebol stadi wetem man stret long taem ya we yumi givim buk long hem. Tekem smoltaem blong soem long man ya olsem wanem fasin blong stadi Baebol i save givhan bigwan long hem.

◼ Sipos sam long yumi i mekem plan blong go spel long wan kantri we nem blong hem i no stap long lis blong ol kantri long ripot blong seves yia, mo i no stap tu long lis blong ol kantri long laswan pej blong Yearbook, i gud yumi talemaot long branj ofis blong yumi se bambae yumi go long kantri ya. Olsem nao, branj ofis i save talem long yumi wanem samting we yumi mas lukaot long hem, mo i save givim sam spesel save tu we yumi save folem taem yumi stap long kantri ya. Maet gavman blong kantri ya i putum tabu long wok blong Kingdom. (Mat. 10:16) Long sam kantri olsem, maet i moagud we yumi no askem long ol man se ol Witnes oli stap wea, mo i moagud tu we yumi no traem mitim ol brata sista blong ples ya. Branj ofis i save talem long yu sipos i stret we yu tekem janis blong prij long ol man we yu mitim olgeta, mo oli save talem tu sipos yu save karem plante buk mo magasin wetem yu. Sipos yu wokgud wetem branj ofis mo yu folem ol advaes we oli givim, samting ya i save blokem trabol blong i no kasem yu mo blong i no spolem wok blong Kingdom.—1 Kor. 14:33, 40.