Advaes

◼ Buk we yumi seremaot long manis Julae Mo Ogis: Buklet ya !Yu Yu save Harem Gud Blong Olwe Long Wol! mo ?Wanem Samting We God i Wantem Yumi Blong Mekem? Septemba: Buklet ya ?Wanem Bambae i Hapen Long Yumi Taem Yumi Ded? mo buk ya ?Wanem Samting We Baebol i Rili Tijim? Taem yumi gat janis, i gud yumi traem statem Baebol stadi wetem man stret long taem ya we yumi givim buk long hem. Tekem smoltaem blong soem long man ya olsem wanem fasin blong stadi Baebol i save givhan bigwan long hem. Oktoba: Buklet ya !Yu Save Kam Fren Blong God! no ol Wajtaoa mo Wekap! Taem yu luk we man i intres, i gud yu soem traket ya long hem ?Yu Yu Wantem Save Trutok? Nao yu save traem statem stadi wetem hem. Sipos man blong haos i gat traket ya finis, i gud blong statem stadi wetem hem.

◼ Manis Ogis i gat faef wiken long hem, hemia wan gudfala manis blong mekem wok blong haftaem paenia.