Ol Gudfala Samting Long Ripot Blong Prij

Long seves yia blong 2009, namba blong ol pablisa i go antap. Long Niukaledoni, namba ya i go antap 4 pesen long namba blong las yia. Mo long Vanuatu, namba i go antap 5 pesen. Long Niukaledoni i gat 57 oli tekem baptaes, mo long Vanuatu i gat 20, mo long Walis i gat 5. Mo long niufala seves yia 2010, wok i stap gohed gud finis. Long manis Septemba mifala i kasem sam pepa blong ol pablisa we oli wantem mekem wok blong fultaem paenia: mekem se naoia long Niukaledoni i gat 122 fultaem paenia, long Vanuatu i gat 33, mo long Walis i gat 10. !Mifala i prea long Jeova blong blesem ol niufala paenia ya! (Sam 110:3) Long fo Distrik Asembli long Niukaledoni, i gat 4,194 man evriwan oli kam lesin, mo 23 man oli tekem baptaes.