Advaes

◼ Buk we yumi seremaot long manis Eprel Mo Mei: Wajtaoa mo Wekap! Taem yu visitim olgeta we oli intres, wetem olgeta ya we oli kam long Memoriol mo long ol narafala spesel miting, be oli no joen oltaem long kongregesen, yu mas traehad blong givim buk ya ?Wanem Samting We Baebol i Rili Tijim? Risen from wanem yumi visitim olgeta, i blong traem statem wan Baebol stadi wetem olgeta long buk ya. Jun: Save buk. Ol kongregesen we oli no moa gat buk ya long stok blong olgeta, maet oli save givimaot buk ya Baebol Tijim, no buklet ya, !Lukaot Gud! Julae: !Lukaot Gud!, no wan long ol buklet ya: ?God i Rili Kea Long Yumi? !Yu Yu Save Haremgud Blong laef Olwe Long Wol! Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, Taem Wan We Yu Lavem Hem Tumas i Ded, no Speret Blong Ol Dedman−?Oli Save Halpem Yu, no Spolem Yu? ?Oli Rili Stap?, no ?Yu Save Kam Fren Blong God?

◼ Long wik blong distrik asembli, seket asembli, mo spesel dei asembli, bambae i no gat Baebol Stadi Blong Kongregesen, Tiokratik Skul, mo Miting Blong Kingdom Wok. From samting ya, long naet blong Famle Wosip, yumi save lukluk ol save long trifala miting ya.

◼ Nem blong spesel tok we i joen wetem Memoriol long yia 2010, hemia “?Wetaem Bambae i Gat Trufala Pis Mo Seftaem?”