Tingtingbak Long Ol Poen Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Jun 27, 2011. Elda we i lukaot long Tiokratik Skul bambae i mekem tingtingbak ya blong 20 minit. Ansa blong ol kwestin blong tingtingbak ya oli stanap long ol poen blong Tiokratik Skul we oli kamaot long ol tok we oli stat long wik blong Mei 2 kasem wik blong Jun 27, 2011.

1. Jehova i askem long Job blong prea from olgeta we oli bin sin agens long hem. ?Samting ya i tijim wanem long yumi? (Job 42:8) [w98 8/15 pej 30 haf 5]

2. ?Wanem ya ol “sakrefaes blong stret fasin” we ol Kristin oli givim tede? (Sam 4:5, NW) [w06 6/1 pej 14 haf 9]

3. ?Kidni blong Deved i stretem hem olsem wanem? (Sam 16:7, NW) [w04 12/1 pej 14 haf 9]

4. “?Skae i stap soemaot bigfala paoa blong God” olsem wanem? (Sam 19:1) [w04 10/1 pej 10 haf 8]

5. ?Ol Sam 27:14 i talem se fasin blong putum tingting i stap strong long Jehova mo blong no fraet, tufala i joen olsem wanem? [w06 10/1 pej 26-27 haf 3, 6]

6. ?Ol Sam 37:21 i pulum yumi blong mekem wanem taem yumi gat kaon mo wan brata no sista i wok blong yumi? [w88 8/15 pej 17 haf 8 long Franis mo Inglis]

7. Wan Livaet we i stap kalabus i wantem tumas blong mekem wosip long Jehova long haos prea. ?Yumi save lanem wanem from fasin ya blong hem? (Sam 42:1-3) [w06 6/1 pej 29 haf 3]

8. ?Wanem i save givhan long yumi blong laekem ol fasin we i stret mo blong no laekem ol fasin we i nogud? (Sam 45:7) [cf pej 58-59 haf 8-10 long Franis mo Inglis]

9. ?Taem Deved i tokbaot ‘spirit we i mekem se hem i wantem obei,’ wanem spirit ya? (Sam 51:12) [w06 6/1 pej 29 haf 10]

10. ?Yumi save stap olsem wan gudfala olif tri long haos blong God olsem wanem? (Sam 52:8) [w00 5/15 pej 29 haf 6]