Advaes

◼ Buk we yumi seremaot long Septemba: ?Wanem Samting We Baebol i Rili Tijim? Ol pablisa oli mas traehad blong statem Baebol stadi taem oli prij long man. Sipos man we oli prij long hem i gat buk ya finis be i no wantem stadi, oli save givim wan magasin no wan buklet we i pulum tingting blong hem. Oktoba: Wajtaoa mo Wekap! Taem yu luk we man i wantem save moa, i gud yu soem traket ya long hem, ?Yu Yu Wantem Save Trutok? mo yu traehad blong statem Baebol stadi. Novemba: Eniwan long ol buklet ya we i gat 32 pej blong hem, we maet i pulum tingting blong ol man long ples blong yu, olsem: ?God i Rili Kea Long Yumi?, ?Wanem i Hapen Long Yumi Taem Yumi Ded?, Taem Wan We Yu Laekem Hem Tumas i Ded, Spirit Blong Ol Dedman—?Oli Save Halpem Yu No Spolem Yu? ?Oli Rili Stap? Disemba: Man We i Hae Moa Long Olgeta Man. Sipos yu storian wetem man we i gat pikinini, yu save givim Buk Blong Ol Baebol Stori.

◼ Spesel pablik tok we i joen wetem Memoriol blong yia 2012, bambae i stap long wik blong 2 Eprel, 2012. Bambae mifala i talemaot biaen, stamba tok blong spesel pablik tok ya. Ol kongregesen oli no mas mekem spesel tok ya bifo long Memoriol.

◼ Ol pablisa we oli haftaem paenia long manis Maj 2012, oli save kasem 30 aoa no 50 aoa, long wok blong prij. Mo tu, sipos seket elda i visitim kongregesen long manis Maj, olgeta we oli haftaem paenia long manis ya, oli save joen long ful miting we seket elda i mekem wetem ol fultaem paenia, nating se oli kasem 30 no 50 aoa.

◼ Long Septemba, seket elda i stat blong givim pablik tok we stamba tok blong hem se, “Yu Mas Joen Wetem Ol Hapi Man Blong God.”