Advaes

◼ Buk we yumi seremaot long Februari: Spesel Rod Blong Mekem Famle i Hapi. Maj: ?Wanem Samting We Baebol i Rili Tijim? Yu traehad blong statem Baebol stadi taem yu prij long man. Sipos man i gat buk ya finis be hem i no wantem stadi, yu save givimaot wan olfala magasin no buklet we i pulum tingting blong hem. Eprel Mo Mei: Wajtaoa mo Wekap! Sipos man i intres, yu soemaot traket ya, ?Yu Yu Wantem Save Trutok? mo yu traehad blong statem Baebol stadi. Taem yu visitim olgeta we oli kam long Memoriol mo ol narafala spesel miting be oli no joen oltaem wetem kongregesen, tingbaot blong statem Baebol stadi wetem olgeta long buk ya, Baebol Tijim. Jun: ?Wanem Samting We Baebol i Rili Tijim? Yu traehad blong statem Baebol stadi taem yu prij long man. Sipos man i gat buk ya finis, be hem i no wantem stadi, yu save givimaot wan olfala magasin no buklet we i pulum tinting blong hem.

◼ Spesel pablik tok bambae i kamaot long wiken afta long Memoriol, mo stamba tok blong hem i se: “?Long Tingting Blong Yu, En i Klosap No i Gat Plante Taem i Stap Yet?”

◼ Sipos yu mekem plan blong go long wan kantri we nem blong hem i no stap long ripot blong seves yia, no we adres blong hem i no stap long las pej blong niufala Yearbook, plis yu toktok long olgeta long branj ofis long ples blong yu. Bambae olgeta oli talem wanem samting we yu mas lukaot long hem, mo sam advaes we yu mas folem, from we maet wok blong Kingdom long ples ya i tabu. (Mat. 10:16) Long sam kantri, i no waes blong ol brata sista we oli turis, oli go visitim ol Witnes no ol kongregesen. Sipos yu wantem tekem janis blong prij no yu wantem karem sam buk no magasin i go long ol kantri olsem, maet branj ofis i givim sam moa advaes long yu long saed ya. Sipos yu folem ol advaes we yu kasem, bambae yu blokem trabol blong i no kasem yu mo wok blong Kingdom we i gohed long kantri ya we yu stap visitim.—1 Kor. 14:33, 40.