Tingtingbak Long Ol Poen Blong Tiokratik Skul
Long wik blong 24 Februari 2014, bambae yumi tingtingbak long ol samting we yumi lanem long Tiokratik Skul.
1. ?Setan i pulum tingting blong Iv i go long wanem samting, mo Iv i soemaot wanem taem hem i kakae frut ya we God i talem se i tabu? (Jen. 3:6) [6 Jen., w11 1/5 pej 18 haf 5]
2. ?Ebel i mekem wanem blong hem i save gat wan bilif we i strong, mo wanem i kamaot from? (Jen. 4:4, 5; Hib. 11:4) [6 Jen., w13 1/1 pej 12 haf 3; pej 14 haf 4-5]
3. ?Ol papa mo mama oli save protektem ol pikinini blong olgeta blong no laekem “ol strong man blong faet,” no “ol man we oli gat nem” long wol ya olsem wanem? (Jen. 6:4) [13 Jen., w13 1/4 pej 13 haf 2]
4. ?Yumi lanem wanem long stori blong Lot mo woman blong hem we Jenesis 19:14-17, mo 26 i tokbaot? [27 Jen., w03 1/1 pej 16-17 haf 20]
5. ?Ebraham i soemaot olsem wanem se hem i bilif strong long laef bakegen mo se promes ya long saed blong wan laen, bambae i kamtru long Aesak? (Jen. 22:1-18) [3 Feb., w09 1/3 pej 18 haf 4]
6. ?Wanem impoten trutok we yumi lanem long profet tok blong Jenesis 25:23, we i talem se, “ol pikinini we bambae oli kamaot biaen long fasbon, bambae oli stap wok blong sekenbon”? [10 Feb., w03 15/10 pej 29 haf 2]
7. ?“Wan lada” we Jekob i luk long drim blong hem i minim wanem? (Jen. 28:12, 13) [10 Feb., w04 15/1 pej 28 haf 6]
8. ?Wanem kastom we ol man long buk blong Jenesis oli stap folem, mo from wanem kastom ya i impoten? (Jen. 31:30-35) [17 Feb., g 1/08 pej 18 haf 1]
9. ?Yumi lanem wanem long ansa we Enjel i talem long Jekob, long Jenesis 32:29? [24 Feb., w98 15/11 pej 5 haf 6, 7]
10. ?Long wanem rod, yumi save blokem trabol ya we Daena i kasem, blong i no kasem yumi? (Jen. 34:1, 2) [24 Feb., w01 1/8 pej 20-21]