Ansa Long Wan Kwestin

◼ ?Wetaem i Stret Blong Stopem Wan Stadi?

Sipos yu luk se Baebol stadi blong yu i no moa gohed gud, yu save stopem stadi. (Mat. 10:11) Yu mekem long fasin we yu soemaot se yu kaen long hem. I gud yu tingbaot ol kwestin ya: ?Hem i stap oltaem long taem blong stadi? ?Hem i stap rerem ol stadi blong hem? ?Hem i stap traehad blong kam long ol miting? ?Hem i tokbaot ol samting we hem i lanem wetem ol narafala? ?Hem i stap traehad blong mekem ol jenis long laef blong hem folem ol rul blong Baebol? Bifo we yu mekem wan desisen, i gud yu tingbaot save we hem i gat mo ol samting we hem i naf blong mekem. Mo tu, yu mas tingbaot se sam man oli kwik blong lanem samting mo sam oli slo. Sipos yu stopem stadi, i gud yu talem long hem se hem i save gohed bakegen sipos hem i wantem. —1 Tim. 2:4.