?Yu Yu Bilif Strong Long Ol Promes Blong Jehova?

Josua mo Solomon i talem se evri promes blong Jehova oli kamtru. (Jos 23:14; 1Ki 8:56) Tok blong tufala i olsem wan strong fandesen we yumi save bildim bilif blong yumi long hem.—2Kor 13:1; Taet 1:2.

?Olsem wanem Jehova i mekem ol promes blong hem i kamtru long taem blong Josua? Yu wajem drama ya ‘Olgeta Tok Blong Jehova Evriwan, Oli Kamtru.’ Biaen yu ansarem ol kwestin ya: (1) ?Olsem wanem yu save folem bilif blong Rehab? (Hib 11:31; Jem 2:24-26) (2) ?Olsem wanem eksampol blong Akan i soemaot se man we i minim blong no obei i save kasem bigfala trabol? (3) ?From wanem ol man Gibeon oli giaman long Josua mo oli joen wetem ol man Isrel, nating se oli save faet? (4) ?Olsem wanem tok blong Jehova i kamtru taem ol man Isrel oli faet agensem ol faef king blong Amoro? (Jos 10:5-14) (5) ?Olsem wanem Jehova i givhan long yu taem yu putum Kingdom mo stret fasin fasples long laef blong yu?—Mt 6:33.

Taem yumi tingbaot ol samting we Jehova i mekem finis, ol samting we hem i stap mekem naoia, mo ol samting we bambae hem i mekem long fiuja, yumi bilif strong moa long ol promes blong hem.—Ro 8:31, 32.