?Olsem Wanem Blong Stadi Gud Long Baebol?

?Yu wantem stanap strong olsem Daniel taem yu kasem traem? Daniel i stadi gud long Baebol, mo ol dip profet tok. (Dan 9:2) Stadi gud long Baebol i save givhan long yu blong gohed blong stanap strong. I save mekem yu bilif strong moa se ol promes blong Jehova bambae oli kamtru. (Jos 23:14) Mo tu, i save givhan long yu blong lavem Jehova moa, mo lav ya bae i pulum yu blong mekem ol samting we i stret. (Sam 97:10) ?Be olsem wanem blong stat? Hemia sam samting we yu save mekem.

• ?Bambae mi stadi long wanem? Wan gudfala samting blong mekem blong stadi gud long Baebol, hemia blong rerem ol miting. Baebol riding blong evri wik i save givhan long yu bigwan sipos yu tekem taem blong mekem risej long ol poen we yu no kasemsave. Antap long Baebol riding blong evri wik, samfala oli jusum blong lanem moa long wan profet tok blong Baebol, ol fasin we oli olsem frut blong spirit, misinari trip blong aposol Pol, mo ol samting we Jehova i wokem. Sipos yu tingbaot wan kwestin long Baebol, i gud yu raetem daon mo yu stadi long hem nekis taem.

• ?Mi save faenem ol save wea? Blong faenem sam samting blong stadi long hem, wajem video ya Ol Tul Blong Faenem Ol Gudfala Samting Long Baebol. Yu save mekem risej long ol bigfala anamol we oli stap long Daniel japta 7.

• ?Hamas taem mi mas spenem blong stadi? Stadi Baebol oltaem i save mekem yu strong long spirit. Fastaem, yu save spenem smol taem nomo blong stadi, sloslo yu save spenem moa taem blong stadi. !Stadi gud long Baebol i olsem we yu digim graon blong faenem sam sas samting, taem yu faenem plante sas samting bambae yu wantem digim moa! (Prov 2:3-6) Bambae yu wantem moa blong stadi long Baebol, mo fasin ya bae i kam wan fasin we yu mekem oltaem.—1Pi 2:2.

?OL ANAMOL LONG DANIEL JAPTA 7 OLI PIJA BLONG WANEM?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

WAN NARA KWESTIN:

?Daniel 7:8, 24 i kamtru olsem wanem?

NEKIS SAMTING BLONG STADI:

?Ol bigbigfala anamol long Revelesen japta 13 oli pija blong wanem?