Ronwe Long Rabis Fasin Blong Seks Olsem Josef

Josef i soemaot gudfala eksampol long yumi, sipos yumi kasem traem long saed blong rabis fasin blong seks. Evri taem waef blong masta blong hem i stap traem blong pulum hem blong slip wetem hem, be hem i no wantem. (Je 39:7-10) Hem i talem se: “Sipos mi kam slip wetem yu, bambae mi mekem i no stret long hem, mo mi mekem sin long fes blong God tu. Hemia i nogud tumas ya.” Josef i soemaot se hem i save gud tingting blong Jehova long saed blong mared man mo woman. Mo taem trabol ya i kam strong moa, hem i ronwe, hem i no stap blong givim janis long woman ya blong pulum hem blong mekem rabis fasin.—Je 39:12; 1Ko 6:18.

WAJEM VIDEO YA RONWE LONG RABIS FASIN, BIAEN YU ANSA LONG OL KWESTIN YA:

• 

  ?Wanem traem we Jin i fesem?

• 

  ?Wanem gudfala kwestin we Jin i tingbaot, taem Mee-Kyong i askem hem blong i halpem hem blong mekem mats homwok blong hem?

• ?Olsem wanem samting we Mee-Kyong i askem i gat paoa long Jin?

• 

  ?Wanem i givhan long Jin?

• 

  ?Jin i mekem wanem blong ronwe long rabis fasin?

• ?Yu lanem wanem long video ya?