6-12 JENUWARE

OL SAS SAMTING LONG BAEBOL

1. Ol Perens—Lukaot Gud Long Nambawan Presen Ya

(10 min.)

Ol perens oli save trastem se Jehova bambae i givhan long olgeta blong kasem ol samting we famle i nidim (Sam 127:1, 2)

Ol pikinini oli wan nambawan presen we Jehova i givim (Sam 127:3; w21.08 5 ¶9)

Tijim ol pikinini blong yu long ol save we wanwan long olgeta i nidim (Sam 127:4; w19.12 26 ¶20)

Wan papa i yusum buklet ya “Baebol Lesen Blong Mi” blong stadi wetem tufala pikinini blong hem. Tufala pikinini i stap tingbaot se long Paradaes bambae tufala i pleplei wetem wan elefen mo wan gorila. — Jehova i glad taem ol perens oli dipen long hem mo oli mekem bes blong olgeta blong lukaot gud long ol pikinini blong olgeta

2. Ol Gudgudfala Samting

(10 min.)

Sam 128:3—?From wanem vas ya i talem se ol boe oli olsem ol niufala sut blong oliftri? (it-1 543)

Ansa blong yu
?Wanem sam gudfala samting we yu faenem long Baebol riding blong wik ya?

Ansa blong yu

3. Baebol Riding

(4 min.) Sam 132:1-18 (th stadi 2)

KAMGUD MOA LONG WOK BLONG PRIJ

4. Statem Wan Storian

(3 min.) TEKEM JANIS BLONG PRIJ. (lmd lesen 1 poen 3)

5. Statem Wan Storian

(4 min.) TEKEM JANIS BLONG PRIJ. Man i talem wan samting we i no laenap wetem samting we Baebol i tijim. (lmd lesen 5 poen 4)

6. Mekem Disaepol

(5 min.) lff lesen 16 poen 4-5. Tokbaot wetem Baebol stadi olsem wanem hem i save gohed blong stadi taem yu go long wan narafala ples. (lmd lesen 10 poen 4)

LAEF BLONG OL KRISTIN

7. Ol Perens—?Yufala i Stap Yusum Beswan Rod Ya Blong Tijim Ol Pikinini?

(15 min.) Kwestin mo ansa.

Oganaesesen blong Jehova i wokem plante samting we ol papa mama oli save yusum blong givhan long ol pikinini blong kam klosap long Jehova. Be beswan rod blong papa mo mama i tijim ol pikinini, hemia tru long gudfala eksampol blong tufala.—Du 6:5-9.

Hemia nao rod we Jisas i yusum blong tijim ol disaepol blong hem.

Ridim Jon 13:13-15. Biaen askem se:

?Wanem i mekem se eksampol blong Jisas i gat paoa long ol disaepol blong hem?

Ansa blong yu

Ol perens, tingbaot se ol aksen blong yufala bambae i soemaot long pikinini se samting we yufala i talem i impoten. Mo tu, gudfala eksampol blong yufala bambae i mekem se ol pikinini oli tinghevi long ol tok blong yufala mo oli glad blong obei.

Ol pija: Ol pija we oli kamaot long video ya “Eksampol Blong Mitufala i Tijim Ol Pikinini.” 1. Famle Garcia oli sidaon insaed long trak mo oli rere blong go long wan miting. 2. Famle ya i sidaon raon long wan tebol afta we oli kambak long miting. Oli stap kakae mo storian tugeta. 3. Brata Garcia i stop smol long prapa stadi blong hem blong storian wetem gel blong hem. 4. Brata mo Sista Garcia i yusum Baebol blong givim advaes long wan gel blong tufala.

Plei VIDEO Ya Eksampol Blong Mitufala i Tijim Ol Pikinini. Biaen askem se:

?Wanem sam impoten lesen we Brata mo Sista Garcia i tijim long ol gel blong tufala?

Ansa blong yu
?Olsem wanem video ya i pulum yu blong gohed blong soemaot gudfala eksampol long ol pikinini blong yu?

Ansa blong yu

8. Baebol Stadi Blong Kongregesen

(30 min.) kr japta 4 ¶16-23, bokis 48