Ol Save Insaed

Jisas i tijim yumi blong putum Kingdom fastaem, be i no ol samting blong laef. ?Olsem wanem blong blokem fasin ya blong wantem plante samting mo yumi no mekem laef i fasfas, blong mekem moa long wok blong Jehova? Bambae yumi tokbaot ol advaes we Jisas i givim long ol tok blong hem antap long hil, we oli stap long Matiu 6:25-34.

Oltaem yumi mas tingbaot woning we Jisas i givim se, long ol lasdei yumi “mas lukaot gud”. (Matiu 24:42) Taswe yumi mas blokem eni samting we i save mekem se yumi no moa lukaot gud. Stadi ya bambae i givhan long yumi olsem wanem blong lukaot gud oltaem.

Tufala stadi ya i tokbaot plante blesing we yumi save kasem from gladhat blong Jehova. Mo tu, tufala stadi ya bambae i leftemap tingting blong yumi blong talemaot long ol narafala olsem wanem olgeta tu oli save kasem blesing from gladhat blong Jehova.