Ol Save Insaed

?Yu mekem hamas promes finis long Jehova? ?Yu stap holem ol promes ya? ?Olsem wanem long promes blong givim laef blong yu i go long hem, mo promes we yu mekem taem yu mared? Long stadi ya, bambae yumi tokbaot nambawan eksampol blong Jeftaha mo Hana, we tufala i holem promes blong tufala. Samting ya i save givhan long yumi, blong yumi holem ol promes we yumi mekem long God.

Oltaem yumi tingbaot ol samting we Jehova bambae i givim long yumi long Paradaes. Stadi ya bambae i tokbaot fo problem we Jehova bambae i tekemaot, blong yumi save gat pis mo glad. Samting ya bambae i mekem bilif blong yumi i strong, mo bambae i givhan long yumi blong yumi stanap strong.

Taem narafala i mekem i no stret long yu no yu luk samting we yu ting se i no stret, hemia i save traem bilif mo tingting daon, mo fasin blong yu blong holemstrong long Jehova. Tufala stadi ya bambae i tokbaot tri stori long Baebol we oli save givhan long yu, blong yu folem fasin blong Jehova blong mekem i stret oltaem.

Jehova i no nidim wan samting we yumi save givim, be hem i glad taem hem i luk we yumi wok had blong sapotem rul blong hem. Jajes japta 4 mo 5 i soemaot se Jehova i glad taem yumi wantem mekem wok blong hem mo yumi letem hem i lidim yumi.