Ol Save Insaed

Oltaem, singsing i wan impoten haf blong wosip blong ol man blong Jehova. Be samfala oli sem blong singsing long fored blong ol narafala. ?Olsem wanem blong singsing wetem strong tingting blong presem Jehova? Stadi ya i tokbaot plante risen blong singsing wetem glad, mo sam samting we yumi save mekem blong singsing gud.

Yumi save lanem plante impoten samting from ol taon blong haed long Isrel bifo. Long fas stadi, yu makem olsem wanem ol man we oli mekem sin tede oli save go haed long Jehova. Long namba tu stadi, yu makem olsem wanem eksampol blong Jehova i givhan long yumi blong yumi fogivim narafala, respektem laef, mo jajem man long stret fasin.

Tufala stadi ya i stanap long leta we Pol i raetem i go long ol Kristin long Kolosi. Fas stadi i tokbaot olsem wanem blong blokem plante tingting blong wol we maet yumi harem se oli stret. Namba tu stadi i tokbaot olsem wanem blong blokem ol nogud samting we oli save tekemaot ol blesing we Jehova bambae i givim.