Ol Save Insaed

Tufala stadi ya bambae i halpem yumi blong yumi laekem moa ol trutok blong Jehova. Trutok i moa impoten long evri samting we yumi bin lego. Bambae yumi lanem olsem wanem blong gohed blong luk trutok olsem wan sas presen. Mo tu, tufala stadi ya bambae i mekem yumi strong, olsem nao yumi no save lego trutok blong kasem wan narafala samting.

Buk blong Habakuk i soem olsem wanem yumi save gohed blong trastem Jehova taem yumi fesem ol hadtaem. Stadi ya i halpem yumi blong luk se nating sipos yumi fesem plante samting we i mekem yumi wari, o trabol blong yumi i kam mowas, God bambae i halpem yumi from we yumi trastem hem.

Taem yumi kam klosap long Jehova, yumi stat blong kasemsave se ol tingting blong hem oli gud moa i bitim ol tingting blong yumi. Tufala stadi ya bambae i halpem yumi blong no folem tingting blong wol, be yumi jenisim tingting blong yumi mo folem tingting blong Jehova.