Samting Blong Famle i Tokbaot

?Wanem Samting We i No StretLong Pija Ya?

Yu save ridim Jon 6:5-13. ?Wanem trifala samting we oli no stret long pija ya? Yu save raetem ansa blong yu long ol laen we oli stap. Blong mekem se pija ya i stret, yu save putum ol kala long hem.

1. ․․․․․

2. ․․․․․

3. ․․․․․

BLONG TOKBAOT:

?Wanem samting we ol disaepol blong Jisas oli mas pikimap, mo from wanem? ?Stori ya i tijim yumi long wanem samting long saed blong Jisas? ?Yu yu save mekem wanem, blong yu no westem tumas samting?

SAMTING WE FAMLE I SAVE MEKEM:

Yufala i ridim stori ya long Baebol. I gud sipos wan long famle i ridim ol laen blong stori ya, namba tu man i ridim ol tok blong Jisas, namba tri man i ridim ol tok blong Filip, mo namba fo man i ridim ol tok blong Andru.

Yu Putum Gud i Stap Mo Yu Lanem Samting From

Yu katemaot mo benem long tu haf, mo yu putum gud

BAEBOL KAD 1 JOSUA

OL KWESTIN

A. ?Josua mo ol ami blong hem oli mekem wanem, blong wol blong Jeriko i foldaon?

B. Yu finisim toktok blong Josua se: “Be mi, wetem ol famle blong mi, . . . ”

C. ?Ol man oli save Josua long wanem narafala nem?

[Foto]

4026 B.K.T. 1 K.T. 98 K.T.

[Map]

Oli lego Ijip blong go long Promes Lan

PROMES LAN

IJIP

JOSUA

?HEM I HU?

Hem i pikinini blong man ya we nem blong hem Nun. Hem i wok blong givhan long Moses, mo biaen, Moses i putumap hem blong i lidim ol man Isrel. (Eksodas 33:11; Dutronome 34:9; Josua 1:1, 2) Josua i no fraet blong lidim ol man Isrel i go long Promes Lan. Hem i putum tingting blong hem long ol promes blong Jehova, hem i obei long ol tok we Jehova i talem blong lidim hem, mo hem i holemstrong long wok blong hem.

OL ANSA

A. Oli obei long tok blong God se oli mas maj i goraon long taon ya.—Josua 6:1-27.

B. “. . . bambae mifala i biaen long Hae God nomo.”—Josua 24:15.

C. Hosea.—Namba 13:8, 16.

BAEBOL KAD 2 DANIEL

OL KWESTIN

A. ?From wanem oli sakem Daniel i go long hol blong ol laeon?

B. ?Long lanwis Hibru, wanem nem blong trifala fren blong Daniel?

C. ?Daniel i wok long taem blong wanem tufala bigfala politik paoa?

[Foto]

4026 B.K.T. 1 K.T. 98 K.T.

[Map]

Oli karem olgeta oli aot long Jerusalem oli go long Babilon

Jerusalem

Babilon

DANIEL

?HEM I HU?

Ating hem i wan pikinini blong king mo hem i bon long laen blong Juda. Hem i wan gudfala profet, mo tabu spirit i pulum hem blong i raetem wan buk blong Baebol we i karem nem blong hem. Maet Daniel i wan yangfala nomo taem Nebukadnesa i holemtaet hem mo sam narafala famle blong king wetem sam haeman, nao i karem olgeta oli go long Babilon.

OL ANSA

A. Hem i prea long Jehova, nating se oli putum tabu long samting ya.—Daniel 6:6-17.

B. Hanania, Misael, mo Asaria.—Daniel 1:6, 7.

C. Babilon wetem Media mo Pesia.—Daniel 5:30; 6:8.

● Ol ansa oli stap long pej 14

OL ANSA LONG PEJ 30

1. Wan smol boe i mas karem ol kakae, be i no wan smol gel.

2. I mas gat faef bred, be i no faef apol.

3. I mas gat tu fis, be i no tu kon.