Wan Olfala Buk We Advaes Blong Hem i Stret Yet
Plante man oli respektem Baebol from we hem i wan buk we oli yusum blong mekem wosip. Be Baebol i no givim advaes long saed blong wosip nomo. Ol advaes blong hem oli stret long evri haf blong laef blong yumi.
Makem gud toktok blong sam man we oli kasem gudfala frut taem oli ridim Baebol mo folem advaes blong hem.
Fiona i talem se: “Laef blong mi i no moa olbaot. Tingting mo filing blong mi i kam kwaet. Mi harem gud moa.”
Gnitko i talem se: “Taem mi stadi long Baebol, mi kasem save from wanem mi stap laef, mo samting we mi mas mekem blong harem gud.”
Andru i talem se: “Laef blong mi i moa gud. Mi no moa wok bitim mak, be mi spenem moa taem wetem famle blong mi.”
Plante narafala man tu long olgeta ples blong wol oli harem gud olsem. Oli faenemaot se advaes blong Baebol i stret long evri haf blong laef blong olgeta.
Bambae yumi tokbaot olsem wanem Baebol i save givhan long saed blong . . .
Helt
Tingting mo filing
Ol famle mo fren
Mane
Wosip
Ol save we i kam biaen oli soemaot se Baebol i no wan buk we yumi yusum blong mekem wosip nomo, be advaes blong hem i stret tu long evri haf blong laef blong yumi.