HAF 9

?Wetaem Bambae Paradaes i Kamtru?

Ol trabol long wol i soemaot se i no longtaem, bambae Kingdom blong God i tekem aksen. Luk 21:10, 11; 2 Timoti 3:1-5

Ol trabol we oli stap hapen long ol las dei—plei laki, faet, ol sik, kakae i sot, ol pikinini oli no obei long papa mama, mo ol man oli kilim woman

Baebol i talemaot plante samting we oli stap hapen tede. Hem i talem se bambae ol man oli laekem mane tumas, bambae ol pikinini oli no obei long papa mama blong olgeta, bambae ol man oli wael olgeta, mo bambae oli laekem tumas ol pleplei.

Bambae graon i seksek bigwan, mo bambae i gat ol bigfala faet. Bambae i gat hadtaem blong kasem kakae, mo ol strong sik we oli kasem plante man. Ol samting ya oli stap kamtru naoia.

Wan Witnes blong Jehova i talem gud nius blong Kingdom long wan man

Mo tu, Jisas i talem se gud nius blong Kingdom bambae i go kasem ol man long olgeta ples long wol.—Matiu 24:14.

Kingdom bambae i finisim olgeta rabis fasin. 2 Pita 3:13

Ol man nogud oli lus long Amagedon, biaen Setan mo ol rabis enjel blong hem oli kasem panis

I no longtaem bambae Jehova i spolem olgeta man nogud.

Bambae Setan mo ol rabis enjel oli kasem panis.

Jisas i King i sidaon long jea blong hem long heven mo ol man we oli kamaot long ol defdefren laen oli glad

Ol man we oli lesin long God bambae oli sef, nao bambae oli stap long niufala wol we i gat stret fasin long hem, mo we i no moa gat man i fraet. Bambae man i trastem narafala man, mo bambae oli lavlavem olgeta.