Stadi 1

Gudfala Fastok

Ol Wok 17:22

?I MINIM WANEM? Fastok i mas pulum tingting blong ol man, talemaot samting we bambae yu tokbaot, mo soemaot from wanem ol man oli nidim save ya.

Pulum tingting blong man. Tingbaot wan kwestin, wan smol toktok, wan samting we i hapen long wan man, o wan nius, we ol man oli intres long hem.

Bifo long tok blong yu, tingbaot samting we ol man we yu toktok long olgeta oli intres o wari long hem, nao mekem i joen wetem fastok blong yu.
Talemaot samting we bambae yu tokbaot. Long fastok blong yu, meksua se yu talem klia, samting we bambae yu tokbaot mo from wanem yu tokbaot.
Soemaot from wanem i impoten. Jenisim toktok blong yu blong mekem i stret long ol man we yu toktok long olgeta. Oli mas kasem save gud olsem wanem ol toktok blong yu i save givhan long olgeta.

Taem yu stap rerem wan tok, traem tingbaot: ‘?Ol brata mo sista long kongregesen oli stap fesem wanem long laef blong olgeta?’ Nao mekem fastok blong yu i laenap wetem samting ya.