Stadi 18

Givim Save Long Ol Man

1 Korin 9:19-23

?I MINIM WANEM? Yu mekem tingting blong ol man i wok. Olsem nao bambae oli harem se oli lanem wan gudfala samting.

Tingbaot ol save we oli gat finis. Sipos oli save wan samting finis, yu no ripitim nomo, be yu mekem oli tingbaot long wan niufala fasin.

Taem yu tokbaot wan poen we oli no save yet, yu slo nomo. Be sipos i wan poen we oli save finis, yu no nid blong tekem tumas taem blong tokbaot.
Mekem risej mo tingting dip. Blong soemaot wan stamba poen, yusum sam save we ol man oli neva tingbaot bifo, o wan nius we oli no save yet. Tingting dip long ol niufala save ya blong meksua se i stret long tok blong yu.

Taem yu stap tingting dip long ol save ya, askem ol kwestin olsem ‘wanem, from wanem, wetaem, weples, hu, mo olsem wanem.’ Taem yu givim tok blong yu, askem mo ansarem sam long ol kwestin ya. Hemia bambae i mekem se tok blong yu i laef.
Soemaot olsem wanem blong yusum save ya. Eksplenem olsem wanem ol poen we oli kamaot long Baebol oli save givhan long laef blong yumi. Maet yu tokbaot sam samting we oli hapen long laef, sam tingting o aksen we ol man oli save gud.