Traem Kasemsave Gud Long Man

?Jisas i Mekem Wanem?

VIDEO: Jisas i Sore Long Wan Bigfala Hip Blong Ol Man

1. Wajem VIDEO, o ridim Mak 6:​30-34. Biaen askem ol kwestin ya:

1. ?From wanem Jisas mo ol aposol oli wantem “go long wan ples we i no gat man long hem”?

2. ?Wanem i pulum Jisas blong tijim bigfala hip blong ol man ya?

?Yumi Lanem Wanem Long Eksampol Blong Jisas?

2. Yumi wantem talemaot gud nius long ol man, mo long semtaem yumi wantem halpem olgeta.

Folem Eksampol Blong Jisas

3. Lesin gud. Letem man i talemaot ol tingting mo filing blong hem. Yu no mas katem toktok blong man, o kwik blong no wantem lesin taem hem i stap talemaot filing blong hem, ol wari, o samting we hem i no agri long hem. Taem yu lesin gud, yu stap soemaot long hem se yu kea long ol tingting blong hem.

4. Tingbaot man we i intres. Taem yu stap storian wetem hem, askem yu wan se:

1. ‘?From wanem hem i nidim blong harem trutok?’

2. ‘?Sipos hem i stadi Baebol, olsem wanem hemia i save mekem laef blong hem naoia mo long fiuja i kamgud moa?’

5. Tokbaot ol samting we i save halpem hem. Yu no mas wet longtaem blong soemaot long hem, olsem wanem Baebol stadi i save ansarem ol kwestin blong hem mo halpem hem long plante defren rod.