!Ol Distrik Mo Intenasnal Asembli Oli Givim Paoa Long Yumi Blong Leftemap Nem Blong God!
Distrik mo Intenasnal asembli ya “Leftemap Nem Blong God” we yumi mekem finis long sam ples blong wol, i givim wan bigfala witnes long ol man. Ol impoten tiokratik asembli olsem, oli leftemap nem blong Jeova, mo oli givhan long yumi blong kamgud moa long wok blong ‘presem Jeova we nem blong hem i hae we i hae.’ (Sam 96:8) Tru ya, i stret nomo we yumi leftemap nem blong hem, from we hem nao i wokem ol gudfala samting raonabaot long yumi we oli soemaot ol nambawan fasin blong hem.—Job 37:14; Rev. 4:11.
Yusum ol not we yu yu bin raetem long asembli blong rerem ansa blong ol kwestin ya, mo givim ansa long wik blong Oktoba 20, taem yumi tingtingbak long asembli ya.
1. ?Olsem wanem ol samting raonabaot long yumi we God i wokem oli leftemap nem blong Hem, nating se oli no save toktok? ?Olsem wanem oli presem hem long fasin we i defren long fasin blong man? (Sam 19:1-3; “Ol Samting We God i Wokem Oli Soemaot Paoa Blong Hem”)
2. ?Taem we bodi blong Jisas i jenis i kam narafala, hemia i pija blong wanem samting? ?Mo olsem wanem samting ya i stap givim paoa long ol Kristin tede? (Stamba tok blong asembli, “!Ol Vison Blong Paoa Blong God Oli Givim Paoa Long Yumi!”)
3. ?Olsem wanem yumi save gat tingting daon olsem profet Daniel, mo fasin ya bambae i givhan long yumi olsem wanem? (Dan. 9:2, 5; 10:11, 12; “Jeova i Soemaot Paoa Blong Hem Long Ol Man We Oli Gat Tingtingdaon”)
4. (a) ?Long profet tok blong Amos, yumi lanem wanem trifala samting long saed blong jajmen blong God? (Amos 1:3, 11, 13; 9:2-4, 8, 14) (b) ?Woning long Amos 2:12 i lanem ol Witnes blong Jeova tede long wanem samting? (“Profet Tok Blong Amos—Mesej Blong Hem We i Stret Long Taem Blong Yumi”)
5. (a) ?Sipos yumi dring bitim mak, wanem trabol i save kamaot, nating se yumi no drong? (b) ?Olsem wanem blong winim problem ya blong dring bitim mak? (Mak 9:43; Efes. 5:18; “Lukaot Blong No Foldaon Long Trap Ya Blong Dring Bitim Mak”)
6. ?Niufala buk ya “See the Good Land” i stap givhan long yu olsem wanem? (“ ‘Gudfala Kantri Ya’—Wan Smol Pija Blong Paradaes”)
7. ?Long wanem trifala rod, yumi save “soemaot paoa blong God olsem bigfala laet we i stap saenaot long fes blong yumi”? (2 Kor. 3:18; “Soemaot Paoa Blong God Olsem Bigfala Laet We i Stap Saenaot Long Fes Blong Yumi”)
8. ?Wanem samting i stamba blong fasin ya we man i no laekem narafala, nating se narafala ya i no mekem i rong, mo wanem i save givhan long yumi blong stanap strong taem ol man oli no laekem yumi? (Sam 109:1-3; “Oli No Mekem Rong, Be Ol Man Oli No Laekem Olgeta”)
9. ?Kraes i gat wanem tingting long saed blong haenem, mo olsem wanem blong luksave se yumi nidim blong wokem tingting ya moa? (Mat. 20:20-26; “Kasem Tingting Blong Kraes Long Saed Blong Haenem”)
10. ?Wanem i save givhan long yumi blong stap gohed strong long saed blong spirit, nating se bodi blong yumi i taed? (“Oli Taed, Be Oli No Kam Slak”)
11. ?Setan i yusum hu blong leftemap ol giaman toktok, mo Baebol i talem se yumi mas mekem wanem taem narafala i traem blong spolem bilif blong yumi? (Jon 10:5; “Lukaot Long ‘Voes Blong Man We Yumi No Save Hem’ ”)
12. (a) ?Olsem wanem ol papa mama oli save folem eksampol blong Jisas we Mak 10:14, 16 i tokbaot? (b) ?Wanem samting we yu yu laekem long niufala buk ya, Learn From the Great Teacher? (“Ol Pikinini Blong Yumi—Wan Sas Presen We Yumi Kasem”)
13. ?Olsem wanem ol yangfala oli stap presem Jeova? (1 Tim. 4:12; “Ol Samting We Ol Yangfala Oli Mekem Blong Presem Jeova”)
14. ?Wanem ol haf blong drama ya “No Fraet Blong Prij Nating Se i Gat Fasin Agens” we oli stap klia long tingting blong yu?
15. ?Olsem wanem yumi save folem eksampol blong (a) Pita mo Jon? (Wok 4:10) (b) Steven? (Wok 7:2, 52, 53) (c) Kristin kongregesen long faswan handred yia? (Wok 9:31; drama mo tok ya, “ ’No Stop’ Blong Talemaot Gud Nius”)
16. (a) ?Yumi mekem disisen blong leftemap nem blong God long wanem rod? (b) ?Sipos yumi folem samting we yumi lanem long asembli ya “Leftemap Nem Blong God,” yumi save sua long wanem samting? (Jon 15:9, 10, 16; “Gohed Blong ‘Karem Plante Frut’ Mo Leftemap Nem Blong Jeova”)
Sipos yumi tingting dip long ol gudfala tijing ya long saed blong spirit we yumi kasem long asembli, samting ya bambae i pulum yumi blong folem ol save we yumi lanem. (Fil. 4:8, 9) Olsem nao, tingting blong yumi bambae i kam strong moa blong ‘leftemap nem blong God long olgeta fasin blong yumi.’—1 Kor. 10:31.