?Yumi Tokbaot Wanem Long Ol Magasin?

Wajtaoa Dis. 15

“Plante man oli wari taem oli luk se ol lafet blong krismas mo niu yia oli kam wan samting blong winim mane nomo. ?Yu yu ting se ol holide ya oli stap lusum mining blong olgeta? [Letem man i ansa.] Magasin ya i tokbaot olsem wanem ol kastom blong ol holide oli stap jenis taem ol yia oli pas. Hem i tokbaot tu olsem wanem yumi save givim trufala ona i go long God mo Jisas.” Ridim Jon 17:3.

Wekap! Okt./Dis. (Bislama)

“?Yu yu ting se yumi mas prea long hu? ?Long God hem wan, no i stret blong prea long sam narafala man tu? [Letem man i ansa. Biaen, ridim Ol Sam 65:2.] Yes, God hem wan i stap lesin long ol prea blong yumi. Be plante man oli ting se Meri i save givhan long yumi sipos yumi askem samting stret long hem. Long pej 26, bambae yu faenem tingting blong Baebol long saed ya.”

Wajtaoa Jen. 1

“Ol man oli naf blong mekem plante gudgudfala samting. Be long ol yia we i pas, plante taem oli bin mekem fulap samting we i nogud tumas. ?Samtaem yu yu stap askem se from wanem i olsem? [Letem man i ansa.] Magasin ya i givim ansa we i kamaot long Baebol. Hem i eksplenem tu olsem wanem ol man we oli mekem gudfala fasin bambae oli win mo olgeta we oli mekem rabis fasin bambae oli lus.” Ridim Rom 16:20.

Wekap! Jen. (Franis/Inglis)

“?Samtaem yu yu stap tingbaot se wol ya bambae i olsem wanem afta 20 no 30 yia? [Letem man i ansa. Biaen, ridim Ol Sam 119:105.] Baebol i soemaot rod long yumi, ale yumi save luksave wanem bambae i hapen long fiuja. Magasin ya i tokbaot ol profet tok we oli soemaot taem blong yumi, mo from wanem yumi save putum tingting i stap strong long wan gudfala fiuja.”