?Yumi Tokbaot Wanem Long Ol Magasin?

Wajtaoa Nov.1

“Plante papa mama oli kasem save se blong tijim gud pikinini blong olgeta, oli no mas folem tijing ya nomo we papa mama blong olgeta i bin givim long olgeta. God i papa blong yumi. Taswe, hem i gat bigfala save mo hem i stamba blong advaes we yumi rili save trastem. ?Yu yu agri long samting ya? [Letem man i ansa. Biaen, ridim Efesas 3:5.] Magasin ya i soemaot ol save blong Baebol we oli wokgud, long saed blong fasin blong tijim pikinini.”

Wekap! Okt./Dis. (Bislama)

“Taem ol man oli lusum wan fren no famle we oli laekem hem tumas, plante long olgeta oli askem se: ‘?I gat rod blong givhan long ol dedman?’ ?Wanem tingting blong yu? [Letem man i ansa. Biaen, ridim Prija 9:5, 10.] Haf ya i eksplenem se yumi no save mekem wan samting blong givhan long olgeta. Be, hem i eksplenem tu se i gat wan nambawan fiuja blong ol dedman.”

Wajtaoa Dis.1

“I isi blong yumi lavem olgeta we oli lavem yumi mo we oli givim plante samting long yumi. I gat wan Man we i laekem yumi moa i bitim eni narafala man, mo i stret we yumi tu yumi lavem hem moa i bitim we yumi lavem ol narafala man. ?Yu yu ting se man ya hem i hu? [Letem man i ansa.] Jisas i talem se yumi mas lavem God wetem olgeta hat blong yumi. [Ridim Matiu 22:37.] Magasin ya i eksplenem olsem wanem yumi save soemaot se yumi lavem hem.”

Wekap! Dis. (Franis/Inglis)

“?Yu yu ting se hu nao i hae moa long olgeta man long wol? [Letem man i ansa.] Plante man oli luk se Jisas nao i hae moa long olgeta man. Makem wanem samting hem bambae i mekem long wol ya taem hem i kam King long Kingdom blong God. [Soem pija long pej 8-9, mo ridim wan long ol vas we i stap.] Magasin ya i tokbaot olsem wanem mo wetaem Jisas bambae i mekem samting ya.”