?Yumi Tokbaot Wanem Long Ol Magasin?

Wajtaoa Jun 1

“Taem wan we yumi laekem hem tumas i ded, i stret nomo we yumi wantem luk hem bakegen. ?Yu yu agri? [Letem man i ansa.] Plante man oli haremgud long promes we Baebol i talem long saed blong laef bakegen. [Ridim Ol Wok 24:15.] Magasin ya i eksplenem olsem wanem promes blong Baebol long saed blong laef bakegen bambae i kamtru long olgeta we oli ded finis.” Soem haf we i stat long pej 17.

Wekap! Epr./Jun (Bislama)

Talem halo long man blong haos mo biaen, soem pija long pej 16, mo askem se: “?Laef long wol ya i stat olsem wanem? Sam saentis oli talem se laef i stat from laki nomo mo se i no gat wan God we i wokem olgeta samting. Baebol i talem se God i wokem olgeta laef samting. ?Wanem tingting blong yu? [Letem man i ansa mo biaen, ridim Hibrus 3:4.] Haf ya i soem olsem wanem fasin ya blong maredem ol flaoa i givim ona long God ya we i wokem olgeta samting from nambawan wok blong hem.”

Wajtaoa Julae 1

“Ol man oli stap mekem i nogud long ol narafala we oli blong defren laen no kantri, no we lanwis blong olgeta i defren. ?Samtaem yu yu stap askem se from wanem oli mekem olsem? [Letem man i ansa.] Makem wanem risen we Baebol i givim. [Ridim 1 Jon 4:20.] Magasin ya i ansa long kwestin ya se: ?Ol man blong ol defren laen oli save joengud wanples?”

Wekap! Jul./Sept. (Bislama)

“Ol anamol oli folem waes we oli bon wetem. Be ol man oli no olsem. Olgeta oli naf blong jusum ol rul we bambae oli folem long laef blong olgeta. ?Yu yu ting se yumi save lukluk i go long weples blong kasem ol advaes we i save lidimgud yumi? [Letem man i ansa. Biaen, ridim Ol Sam 119:105.] Magasin ya i eksplenem se beswan advaes we i save lidimgud yumi i stap long Baebol.”