?Yumi Tokbaot Wanem Long Ol Magasin?

Wajtaoa Epr. 1

“Tede yumi evriwan i nidim mane blong i save givhan long yumi blong laef. ?Be yu yu agri se yumi mas lukaot gud blong no foldaon long trap ya we vas ya i tokbaot? [Ridim 1 Timoti 6:10, mo letem man i ansa, nao ridim haf 8 long pej 8.] Haf ya i soemaot se yumi mas lukaot gud blong no letem mane i kam olsem god blong yumi.”

Wekap! Epr./Jun

“Long olgeta yia we oli pas, plante woman oli safa from we man i agensem mo kilim olgeta. ?Yu, yu ting se from wanem i olsem ? [Letem man i ansa.] Makem wanem fasin we Baebol i talem se ol hasban oli mas gat long ol waef blong olgeta. [Ridim 1 Pita 3:7.] Magasin ya i yusum Baebol blong soemaot tingting we Jeova mo Jisas oli gat long saed blong ol woman.” Tokbaot haf we i stat long pej 27.

Wajtaoa Mei 1

“?Yu yu wantem luk we profet tok ya i kamtru? [Ridim Aesea 2:4, mo letem man i ansa.] Yu luk vas ya i talem se God bambae i “stretem” ol trabol blong man mo bambae i putumbak stret fasin. Baebol i soemaot se God bambae i faet long wan faet we nem blong hem Amagedon mo faet ya bambae i finisim evri faet long wol. Magasin ya i eksplenem mining blong Amagedon mo from wanem yumi wantem se faet ya i kam.”

Wekap! Epr./Jun

“Insaed long evri mared tede i gat ol trabol. ?Yu ting se weples nao ol hasban mo waef oli save faenem ol gudfala advaes? [Letem man i ansa.] Makem gudfala advaes ya. [Ridim Efesas 5:22, 25.] Haf ya i soemaot se i minim wanem se man i hed blong woman.” Tokbaot haf we i stat long pej 12.