?Yumi Tokbaot Wanem Long Ol Magasin?

Wajtaoa Jun 1

“Plante man oli talem se oli wantem stap aninit long wan gavman we bambae i stretem ol problem we yumi stap fesem tede. [Tokbaot sam problem we i stap hapen long ples blong yumi olsem man i no gat wok, fasin blong brekem loa, mo fasin blong yusum drag.] Ol samting ya oli mekem yumi harem se yumi no rili sua long fiuja blong yumi mo ol famle no fren blong yumi tu. ?Wanem tingting blong yu? ?Yu ting se i gat wan gavman we bambae i stretem ol problem ya? [Letem man i ansa.] Maet samtaem yu stap talem lodsprea. Sipos yes ?yu save se yu stap prea from wan gudfala gavman we bambae i stretem ol trabol ya?” Tokbaot haf we i stat long pej 10.

Wekap! Epr./Jun

“?Yu ting se ol famle no fren blong yumi we oli ded, bambae oli laef bakegen? [Letem man i ansa.] Baebol i talem se i gat rod blong laef bakegen long ded. [Ridim Ol Wok 24:15.] Magasin ya i soemaot from wanem yumi no mas fraet tumas se ded hem i en blong evri samting.” Tokbaot haf we i stat long pej 19.

Wajtaoa Julae 1

“Plante man oli save gud stori blong Noa mo Bigfala Wota we i ron we i stap long Baebol. ?Wanem tingting blong yu, yu ting se hem i wan trufala stori? [Letem man i ansa.] I gud blong makem se Jisas tu i tokbaot Bigfala Wota we i ron. [Ridim Luk 17:26, 27.] Magasin ya i givim risen blong bilif se stori ya i tru mo i tokbaot ol impoten lesen we yumi lanem long stori ya.”

Wekap! Jul./Sept.

“Ating yu agri se i no isi long ol yangfala we oli gat 13 kasem 19 yia, mo i had long papa mama blong olgeta tu. ?Yu ting se sipos oli folem advaes ya, samting ya i save givhan long olgeta blong kam wan gudfala papa mama? [Ridim Jemes 1:19. Nao letem man i ansa.] Mi sua se bambae yu glad blong folem ol save blong Baebol we oli wokgud we i stap long magasin ya.”