?Yumi Tokbaot Wanem Long Ol Magasin?

Wajtaoa Okt. 1

“Bighaf blong ol man oli savegud ol tok blong Jisas long Matiu 6:9. [Ridim.] Be plante long olgeta oli harem se i hadwok blong kam klosap long God olsem wan papa. ?Yu yu ting se long wanem rod nao yumi save kam klosap long God? [Letem man i ansa.] Magasin ya i tokbaot ol defdefren fasin blong Papa blong yumi long heven, mo i soem olsem wanem yumi save kasem save long hem.”

Wekap! Okt./Dis.

“?Yu yu ting se ol gavman blong man tede, oli save winim trabol ya we wol i stap kam hot tumas? [Letem man i ansa. Biaen, ridim Jeremaea 10:23.] Sipos yu ridim haf ya, bambae yu yu glad long hem. Hem i soemaot rod we God bambae i yusum blong stretem ol problem we oli mekem se wol blong yumi i stap long denja.”

Wajtaoa Nov. 1

“Laef long wol tede i olbaot tumas, taswe plante man oli wari long saed blong fiuja. ?Wanem samting i givhan long yu blong yu gat wan gudfala tingting long saed blong fiuja? [Letem man i ansa.] Makem promes ya blong Baebol. [Ridim Aesea 65:17.] Magasin ya i givim plante risen from wanem yumi save gat gudfala tingting long saed blong fiuja.”

Wekap! Okt./Dis.

“Plante milian man oli yusum ol pija mo aedol long wosip blong olgeta, be plante milian narafala man oli ting se fasin ya i no stret. ?Samtaem yu yu stap wantem save wanem tingting blong God long saed ya? [Letem man i ansa. Biaen, ridim Jon 4:24.] Haf ya i soem filing blong God long saed ya.” Soemaot haf we i stat long pej 22.