?Yumi Tokbaot Wanem Long Ol Magasin?

Wajtaoa Novemba 1

“I gat sam taem long laef blong yumi we yumi fesem plante problem, mo samting ya i pusum yumi blong prea i go long God blong hem i givhan long yumi. Be yet, plante oli harem se God i no ansa long prea blong olgeta. ?Wanem tingting blong yu? ?God i rili lesin long prea blong yumi?” [Letem man i ansa mo Ridim Ol Sam 65:2.] Soem haf we i stat long pej 11.

Wekap! Oktoba-Disemba

“Ol famle tede oli kasem plante problem. ?Olsem wanem? ?Samtaem yu stap tingbaot se, wanem samting i save mekem ol famle oli hapi?” Wet long man i ansa, mo eksplenem se long Baebol, God i soemaot trufala samting we i save mekem famle i hapi. [Ridim Aesea 48:17 mo soemaot wan haf blong Wekap!]

Wajtaoa Disemba 1

“?Yu yu ting se evri samting we ol jos oli tijim, oli kamaot long Baebol? [Letem man i ansa.] Baebol i givim woning se yumi mas lukaot blong no foldaon long ol giaman tijing. [Ridim Kolosi 2:8.] Magasin ya i soemaot sikis giaman tingting we oli agensem Tok blong God, Baebol.”

Wekap! Oktoba-Disemba

“Mifala i stap storian long ol man we oli wantem save olsem wanem blong winim ol problem we ol famle oli kasem. Yumi evriwan i traem bes blong yumi, be sipos i gat wan samting we i save halpem yumi blong mekem laef blong famle blong yumi i kam gud moa, yumi intres blong save, ?i tru? [Letem man i ansa.] Baebol i givim advaes long saed ya long Kolosi 3:12-14. [Ridim.] Ale, ?yumi nidim wanem blong famle i gat gudfala laef?” [Letem man i ansa mo soem wan haf long Wekap!]