Ol Fastok

Blong Statem Ol Baebol Stadi Long Fas Sarede Blong Manis Ogis

“Plante taem, Baebol i tokbaot ol enjel. ?Yu ting se ol enjel oli olsem wanem? [Letem man i ansa.] Wajtaoa ya i tokbaot ansa blong kwestin ya.” Yu givim Wajtaoa blong Ogis 1 long hem, mo yu tokbaot ol save we i stap long fas kwestin long pej 16. Yu save ridim wan no tu vas we i stap. Yu mekem plan blong kambak bakegen blong tokbaot nekis kwestin.

Wajtaoa Ogis 1

Ridim Ol Sam 65:2. Nao yu save talem se: “Plante man oli bilif se God i ‘stap ansa long ol prea blong yumi,’ taswe oli prea evri dei. Be i gat sam man we oli stap tingting se, ‘Sipos i tru se God i stap, ?from wanem i gat plante trabol?’ ?Wanem tingting blong yu? ?I tru se God i stap harem ol prea blong yumi? [Letem man i ansa.] Wajtaoa ya i tokbaot ansa we Baebol i givim long kwestin ya se: ‘?From wanem God i no blokem ol trabol?’”

Wekap! Julae-Septemba

Ridim Jon 8:31, 32 mo askem long man se: “?Yu ting se ‘trutok’ i mekem yumi fri long wanem?” [Letem man i ansa.] Soem haf we i stap long pej 10 mo 11.