Ol Fastok

Wajtaoa Septemba 1

“Plante man oli bilif long ol merikel. Be i gat sam man we oli talem se merikel i no tru. ?Wanem tingting blong yu? ?Yu yu bilif long ol merikel? [Letem man i ansa.] Mi wantem ridim wan vas blong Baebol long yu. Vas ya i tokbaot wan merikel we God i promes blong mekem long fiuja. Plante man tede oli harem gud from gudfala promes ya blong God. [Ridim wan long ol vas we oli stap long pej 7.] Wajtaoa ya i tokbaot tri tingting we plante man oli gat long saed blong ol merikel. Mo hem i givhan long yumi blong jekem sipos ol tingting ya oli stret no nogat.”

Wekap! Julae-Septemba

“Plante jos tede oli talem se taem man i ded hem i go laef samples, mo yumi save toktok wetem olgeta. ?Be wanem tingting blong God sipos yumi traem toktok wetem man we i ded finis? [Letem man i ansa mo ridim Dutronome 18:9-13.]” Openem Wekap! ya long pej 14 mo soem long man.