Kamgud Moa Long Wok Blong Prij​—Trenem Ol Niufala Pablisa

?From Wanem i Impoten?: Ol niuwan we oli kam long trutok, oli mas lanem blong folem “olgeta tok” we Jisas i talem. Hemia i min se oli mas talemaot trutok long narafala. (Mat. 28:19, 20) Plante niuwan oli joen finis long Tiokratik Skul, mo maet oli stap prij long famle no fren blong olgeta. Be, taem oli glad long samting we oli lanem mo oli kasem save se Jehova i wantem we ol man oli mas save trutok, hemia i pusum olgeta blong wantem joen long wok blong prij. (Rom 10:13, 14) Afta we ol niuwan ya oli kasem mak blong kam pablisa we i no baptaes yet, gudfala trening we oli kasem bambae i givhan long olgeta blong oli gat strong tingting blong gohed gud long trutok.—Luk 6:40.