Lafet blong Pasova i no pija blong Memoriol, nating se i olsem, i gat sam samting long Pasova we yumi kasem save mining blong olgeta. Eksampol, aposol Pol i singaot Jisas se “smol sipsip blong yumi blong Pasova.” (1Ko 5:7) Blad blong sipsip we ol man Isrel oli putum long doa blong olgeta, i sevem laef blong olgeta, long sem fasin, blad blong Jisas i sevem laef blong ol man. (Eks 12:12, 13) Mo tu, bun blong sipsip we oli yusum long Pasova i no mas brok. Long sem fasin, i nogat wan bun blong Jisas i brok, nating se hemia wan kastom we oli mekem blong kilim i ded wan man blong mekem trabol.—Eks 12:46; Jon 19:31-33, 36.